成人改名轉運個案（我完全變好了！）

當初知道有呢個恩sir嗰時，係2019年年尾，佢響我當時大約20人一齊住嘅工廠大廈共享空間出現，佢對住嗰一群嘅朋友仔，同埋朋友仔嘅朋友仔，連續做咗大約兩個月嘅免費批名，後來聽佢講返做咗5x人。

5x人裏邊有大約40個都憎9咗佢，話佢講嘅嘢唔准，當中一半人仲講返批文出嚟叫我哋班人評論，而我哋聽到別人批文嘅，都跟事主嘅睇法唔同囉，講過去嘅係準到爆，只係佢地冇辦法接受，尤其係講未來嘅，就更加接受唔到。

終於批到自己了

終於批到自己了，癲，以前搵朋友做八字啊、塔羅啊、網上自己算嗰啲，通通都唔夠佢講嘅痛到入心。八字都唔使攞，就可以咁樣，我要學。

舊名：王聲海

當時俾老師批名嘅時候，我係34歲，用緊舊名王聲海。我本身嘅問題係感情、經濟問題，同埋身體健康好差，當時老師佢都講中晒。以下係佢當時嘅批文：

「感情方面，你目前34歲，行緊個 “聲” 字，屬牛陰邊見耳受困，無自由，無得你揀，對方主導你，對你來說是失控，無論換幾多個女朋友，情況依舊。」係，無錢就無力，可以點？咁我呢個感情運幾時先會有轉變？「46歲後有轉變，不過到時只會看似一切平淡，淡過水喉水，都總好過百味交集的被人綁手綁腳吖。」

「經濟問題，“聲” 字陽邊見蛇（几）三合得運，但係由於呢個字係跛腳牛，所以呢個三合力不足，身邊看似有一班同性朋友，以兄弟見稱咁，你在搵唔到食得耐嘅時候，間中會得到佢哋嘅幫忙或者只係小接濟，讓你能夠唔知點解又看似幸運地一年一年就咁樣就過去了。但係，佢地會幫你嘅呢份三合得運力，6年後，無晒。」當時早已讀設計畢業嘅我，完全搵唔到人生方向，除咗識畫公仔，無野識，無野做，拎緊綜援金，每個月有二千幾蚊，間中接到朋友仔嘅畫插畫外快，可能係幾百蚊，難得會過千，到時到候幫補到生活。咁老師，我會唔會賺到錢搵到食呢？「唔會。」

「健康方面，“聲” 字單腳牛，身體超差，你身體成個排毒機制都壞晒，仲成身發臭，我企響你逆風位都刺鼻，點解你咁都仲可以有女朋友嘅？佢聞唔到？原來係楊千嬅飾演嘅香香公主⋯⋯跟我學道家功夫養生啦，我教你改造身體。」吓@@‘

老師你用嘅係乜術數？「緣法則命理」咁同生肖姓名學有乜唔同？「出面嘅姓名學，我呢套跟佢地全然不同，係直接接下來的，你想學？」⋯⋯

學功夫

就係咁，果日開始，我就跟佢學功夫，老師原來係歸元一脈傳人，教嘅係太極內功，無招無式。三個月後，我已經由身子單薄、全身無力又發臭，變得虎背熊腰，仲無晒臭味，聽啲師兄講，老師佢仲醫好過 “先天零血小板”、“脊椎盤移位落唔到床必需做手術嘅”、“重糖尿“ 等好多好多病人。

新名：王昇凱

2020年頭，我跟佢學埋佢嘅「緣法則」，在3月份仲改埋名，新名字叫王昇凱，呢個名係依足緣法則去選取的，同音唔同字，跟佢學咗咁多喜用部件組合，我決定的選擇方向係：已經hea咗半世人，我之後想要嘅係，有運又有人照住搵到食，不過要在 “忙碌勞苦下，得到多啲經歷，而累積出智慧” 的前提下賺取的。老師話三年後會入運，叫我耐心等待。

改名三年入運，新劇本

2023年3月，突然有個不太熟悉的舊朋友介紹了一份新工作給我，令我變得很忙，真的應付不來，不過學到很多東西，同一時間，身邊的人都對我變得好好，發生了什麼事呢？

樣都變晒

2023年7月，有個証件到期了，需要續期，又被拍照了，跟舊証件比較之下⋯⋯我整容了嗎？見得比較少嘅朋友話我個樣變晒。我覺得可能係生活上樣樣都穩定咗，食多咗睡好咗嘅變化。

2019 王聲海   2023 王昇凱

想起來了，大約三年前改咗名，當時佢說過我2023年年頭就會入新運，都早已忘記了，可能是因為新名字與舊名字的讀音完全一樣，根本地忘記了自己曾經改名。

原來我可以食軟飯

而家，過40歲了，幾年前，要是運氣比較好的話，每月收入會有三千多元，現在當份正職，雖然不是做設計，但是穩定仲俾到家用屋企，上司同事也很照顧自己，雖然忙碌，但日子過得算是較從前寫意多了，亦再沒有半點感情事的煩惱了。最近搵老師，佢話我知：「“辛苦勞累+在事業上有傻運+異性助力” 係我目前嘅新人生，可以行到65歲先會消停。」即係我可以有軟飯食？「可以，是勞碌苦命累無助的軟飯，還吃嗎？」

想不到，日子到了，便真的什麼都改變了，改名轉運，完全依照自己當日所提出的想法去變，跟足新劇本。老師又話：「並不是任何人都可以換上一個好名字來重鋪人生的，必須視乎德業比重。」只知，我冇得再Hea了。

完

文章係我自己寫嘅，老師幫我執格式，雖然睇落擺到明係宣傳，但係我嘅角度，係好嘅嘢，應該分享比其他有需要嘅人知道，你哋可以懷疑我講嘅真實性？隨便你哋，世界原來真係好大。